بحَّة السكر على ريقي هديّه

كل ما أملك من اعيادك سكاكر
بحَّة السكر على ريقي هديّه

من لقيت العيد من حولي وباكر
ينتظر ماله غلا غيرك عطيّه

كل ذكرى ماتعرفك فيك ذاكر
لو يضيعك من لقى ذكراي فيّه

تلمعك حد الشفاه اللي تماكر
لاكتمت لروح غيري وانت ليّه

هام لك وجه الفرح هايم وشاكر
من عيون تروح لك غصبٍ عليّه

ينشغل كل البشر باقيك فاكر
ضحكتك من دون ماتجهل وصيّه

من سلام الكل محتاجك وناكر
شوقك اللي مايجي يسلمك نيّه