العفو لو فضفضه راحت غفى

لـ عبير بن سمعون، ، في غير مُحدد، آخر تحديث

العفو لو فضفضه راحت غفى - عبير بن سمعون

ياحزون الحب وياعامٍ مضى
ياجدايل جدتي وكوب الحليب

ياحنانك يايُبه وبُعدِك فِضى
ياخلا نفسي ولاعندي قريب

نكتب الخاطر ونصبح للرضى
ونترك اللي فات ماراح ويصيب

الكلام يبعثره حالي قضى
والمشاعر في قصيده وفي حبيب

خوفنا ياوقت تتعدى خطى
ونهجر احساس الأماني لو تشيب

نبضنا ياهو تراجع من شقى
ولا فيه الروح باقي لو يطيب

ننسجم للحال من وجه وقفى
وننسى مابالجرح لو شد وغريب

لو تجي لآخر حدودك مايُرى
غير ماينعاد وما يرضيك ريب

هذي من زود الحنايا والجفى
وهذي من صدمات عمرك ماتجيب

والعفو لو فضفضه راحت غفى
من سحابه غافيه راحت تغيب

© 2023 - موقع الشعر