السكوت يهد وحدك في السكوت
يطفي منك الليل وعذره لك ظلام
ماتلاقي لك سكن وحدك تموت
عند روحك شمعتين وورد نام
يتعب اللي داخلي والهم صوت
لو تعانق ريح ماهزك وقام
كل ماامسك باب تقفل هاالبيوت
يستحيني البوح مااشعر باالكلام
كنت أحلم في سراب وطعم توت
واتخيل من ضمى غيري حرام
كل شي يحكي وانا كللي قنوت
من شبابيك المرايا وكل حمام
وش يعدي الناس وافكار الشموت
وش يجيب النوم ورجفاتي عظام
نرتضي الأيام لو جف النبوت
ننحرم لو خاطر الحاضر يلام
غصتي من عرضها صارت شتوت
كثر ماتلقم من الحيره زحام
تقترب لين الفجر عينك تفوت
ذكرى راحت من يدينك والسلام

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر