يا بوي

لـ محمد بن فرزان، ، في غير مُحدد

يا بوي - محمد بن فرزان

سلامتك يابوي من عارضٍ جاك
أنا أحمد الله من جديد انولدنا

عمارنا يا جعلها من .. فداياك
يا عزنا .. يا سورنا .. يا سندنا

غاية رضانا فالزمن كسبة رضاك
وشوفتك سالم بيننا ..هي سعدنا

يالله عساه يطول عمرك ويا قاك
يا مخلدٍ أسمك وبأسمك .. خلدنا

في هالزمن للطيب تشعب مطاياك
تجود وأنّا من مناهلك .. جدنا

تمدها للمرجله .. دوم يمناك
يمناً مساعيها .. تكلل جهدنا

تندى .. يمينك والسعد في محياك
يضوي .. به اللي فالليالي قصدنا

يا كتابنا اللي .. طول الايام نقراك
نقرا ..حروفك لين .. منها استفدنا

في هالزمن نقرا .. ونحفظ سجاياك
وبغيرها .. يا بوي حنا .. زهدنا

لك سيرةٍ تصعب على غير .. شرواك
منها ارتوينا .. لين كلٍ حسدنا

نتبع خْطاك ولا نجنّب عن اخطاك
تحثنّا ونقول .. هذا .. عهدنا

نطلع مطاليعك ونسري بمسراك
تروي رضاك كفوفنا .. لا وردنا

مجدٍ لنا وامجادنا بفعل مسعاك
تسهر عيونك كان طوّل سهدنا

والحمد لله يومن السوء عداك
يا عزنا .. يا سورنا .. يا سندنا

© 2024 - موقع الشعر