في سيرة التاريخ

ياالله يااللي فارضٍ خمس الاركان
تسقي ثرانا من روايح سحابه

أرض الوحي,أرض النبي,أرض الايمان
أرض الشجاعه والكرم والصحابه

لفالها في يوم زوغات الاذهان
حسامٍ تجرّد من خبايا جرابه

سيفٍ شهر للحق والحق به بان
منّه سؤال الحق يلقى جوابه

في ساقته ستين ساقوا للاعيان
هاك الصباح اللي يفوح الرضابه

من سلتّه سطّر لنا المجد عنوان
في سيرة التاريخ كلٍ قرابه

معزي, اللي نجد به فالها زان
جاها وقالت مرحبا يا هلابه

بدا يلم شمول ما كان شتان
ولا خاب ظن اللي رجاه وهقابه

أرض الجزيره رحبّت في كحيلان
تقول من غيرك يفك النشابه

فجرٍ ظهر للحق والحق ما هان
من هيبته امسى , عزيزٍ جنابه

جاء للعداله في, مراميه نيشان
وعلوم كل الخير جتبه ركابه

واليوم في عهد السعد شانها شان
بين الدول امست بعز ومهابه

في ظل ابو متعب مرّوي شبا الزان
العز لبست من يمينه ثيابه

ترفل بثوب العز في كل ميدان
عنها الجهل ولاّ بليلٍ سرابه

دارٍ حباها الله من بد الاوطان
بيته ونزّل من سماها كتابه

في ضف عبدالله ويمناه سلمان
الحد من هامه نوى الله ذهابه

حد الوطن من دونه حصان وسنان
حرام ما نرضى بلمسة ترابه

والرايه الخضراء علت راس ما بان
بالعز والايمان محدٍ يجابه