شد الرحايل

شد الرحايل ياقصيدي من الشرق
يومٍ دعاك الغرب شد الرحايل

ماعاد لك مقعاد هذا اول الطرق
مالك طريقٍ غير هذا بدايل

الغيمه اللي لاح في عرضها برق
يمم اركابك يمها لا تخايل

اضرب تخاتيخ الخلا تعرف الفرق
بين البحور وشمّخ جبال حايل

عانق هبوب الريح وأسجع مع الورق
اجهم على ذيك البكار الاصايل

قوافيٍ ينبض لها داخلي عرق
خلها تعدّل كل ماكان مايل

لا تنحدر يم الوطا للعلا أرق
وشلك بمنزل فوق جرفٍ مهايل

جر الخطاوي ذوب الصمت في طرق
قافٍ يخلي الشك والريب زايل

لا لا تخلّي الصمت يثّر بنا حرق
بيدك تطفي بي لهيب الملايل

ومدام لاح (ف) غيمة الغرب لك برق
يمم اركابك يمها لا تخايل