جيتك حبيبي

جيتك حبيبي ب قلبٍ يسبق خطايه
همّه يعانق خفوقك بس لو مرّه

لا ما انثنى العزم مهما طال مسرايه
بطوي المسافات لو هي طعمها مرّه

مبداي وصلك .. وصلك بس لي غايه
وانّ .. دام وقتي بوصلك الله إيدرّه

أنا لك الله بقربك طاب مرسايه
على رصيفك خفوقي شاف ما سرّه

جيت انثر الشوق في صحراك بغنايه
الصبر في غيبتك قد طالني شرّه

أقبل حبيبي ونوّر درب ماطايه
أرفع عن عيونك الفتانه الغرّه

أنظر بعينك وشوف ادناي واقصايه
تلقى طياحك بوسط القلب منثرّه

من حقي افخر وافاخر وارفع الرايه
لاقلت هذا حبيبي تبرد الحرّه

أدفا بنارك بليلة ماطر شتايه
وانعم بظلك بقيضٍ هالكٍ حرّه

ياروعة الخلق كلّك للحسن آيه
ياآية الحسن فيك الروح مغترّه

تعال واجلس وخلّك جنب مركايه
وبهّر دلالي بوصلك بس ذا المرّه