جيتك عطش

لـ قهر يزيد، ، في غير مُحدد

جيتك عطش - قهر يزيد

جيتك عطش صحرا وقلبي حديقه
تشربك ود وتكسي ضلوعك زهور

جيتك ربيع اشواق حلم وحقيقة
جيتك قصيدة حب ميزانها النور

ياللي فراقك لهفتي ما تطيقه
الوين رايح والوعد عدة شهور ؟

والعمر باقي فيه كم من دقيقة
كم طعنة ٍ في القلب ؟ ألفين وكسور !

كم كوكب ٍ في الدم يطفي بريقه
بين انتظار وصد وجنون وغرور ؟

بين انطفائي وفي عروقي حريقة
بيني وبينك والمسافات ودهور

طفل ٍ على الرمضا غدر به طريقه
شال المواري وماترك أي ماثور

يغرف سراب اليا تعثر بريقه
يشرب ذهول وكل ما فيه مكسور

احلامه اللي فاسئلته العتيقة
واقفاصه اللي قاعها ريش عصفور

الوين رايح ؟ ماعرفت الحقيقة ؟
البعد جايع واخر الدرب مسعور

© 2024 - موقع الشعر