جيتك

لـ حميدي الثقفي، ، في غير مُحدد

جيتك - حميدي الثقفي

جيتك خيالي دخل خارج مجارات الردى
جيتك وبعيوني قرى ترفض جباهٍ تستكين

ابي صباحاتك مدن تستاهل دموعي ندى
ابي نهار مصافحك يستاهل اعصابي يدين!

ابي تزيديني ضلال الشاعر ان ضل اهتدى
ابي على طول انتظر و انت تجين ولا تجين !

للدرب عمري ما اقتديت الدرب لخطاي اقتدى
درب قتل كل الخطا ..عندي يموت بخطوتين

في سلة أحلامي (خبر) يرفض حصار (المبتدى)
أنا الفقير اللي نطق بفواه كل المعدمين!

أحلامنا توجد صغار وتكبر ذنوب وعدا
بين احتمالات الحياه ورهبة الموت اليقين !!!

© 2022 - موقع الشعر