السحاب احمر !!! - حميدي الثقفي

يا كثر ما يشتكي ...لو يشكى الدفتر !
من نزعة الحرف في عقلي وتجميعه..

أحيان ما يحن في جوفي نبات أخضر
وأحيان في " ثانية" تورق مطاليعة ..

يبرق ويرعد خفوقي والقلم يمطر
وأنا اتعمد ضما حرفي وتوجيعه ..

في داخلي صمت .. يحتاج انفعال اكثر
من زخرف القول يا " خالد" وتصنيعه ..

الشعر بعيون أخوك / الحلم والمهجر
خوف وبعض صدق تنزفني ينابيعه ..

وش لون تمطر سمانا – والسحاب أحمر ؟!
والبرق يدمي جوارحنا بصابيعه ...

محدٍ خبر سيل .. لا يدفن ولا يحفر ..
وان جف يحزن ثرا الوادي لتوديعه ..

كف وحدا على التصفيق ما تقدر ..
لاشفت ماهو مطاوعك الزمن طيعه ..

ما هو ضروري يلامس جرحك الخنجر
ولا أنت مجبور .. حتى تعلن البيعه ..

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر