(وصف فتاه جميله)
الجمال الي تعدى الكواكب والنجوم
بالهنوف الي تشيل الحلا في كمها
مهرتا بيضاء ولاناشها حر السموم
يفرح المهموم منه لما يناظر يمها
يفرح ويرجع يعود على جمع الهموم
ليت خالي خالها ليت عمي عمها
علموها فهموها على كل العلوم
قلبي المجروح وده يجي ويضمها
ليتني اضمها كل وقت وكل يوم
أتنومس عن هموما طوال(ن) همها
الهموم الي تجي كنها ضرب السهوم
كني الطرقي وكل الموارد جمعها
قلت ياهمي ياليتك تريح ومخدوم
قاللي وشلون يوم ارتويت بسمها
لين همي صار متعلقن بين الغيوم
يوم رجلي هاويه بالمساري يمها
كنهاريم الفلا لامشت بين الحزوم
فتنتن متبعثره حظ منهو لمها
لمها بين الصدر لمها بين الكموم
عقبها قبلتها بالخدود وفمها
مايهمه كان قدامها صقرا لطوم
تذبح العالم بنظره وبارد دمها
ودي أخذ فرصه العمر في حب الخشوم
عاش منهو في يديه الكريمه زمها
زمها بالقلب لاعل همك مايدوم
يقطف الريحان واللي طوارف فمها
عل منهو ذمها في حياته مايقوم
وإلاحامد لاحشا مهرته ماذمها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين