بين خالي....والعمام

صرخة المسلم على المسلم حرام
قالها لي يوم صحت من الصميم

قلت انا فاقد غلا ناس كرام
خلكم من ناحل الجسم الهشيم

اذكره تاريخ موتك كا عام
واتذكر سالف العهد القديم

يوم عيني حاربت حلو المنام
صرت مابين الملا طفل يتيم

آه يايمه فلا يلحق ملام
من فقد غالي وشق الجيب ضيم

الله الله عقبكم ذقت الغرام
وذقت وبلات الاسى ويا النعيم

وعشت انا ما بين خالي والعمام
وعشت ما بين الصحايب والنديم

يوم صاروا لي مثل بدر التمام
ويوم ما القى نور بالليل العتيم

وشفت عيشة بعض خلق الله حرام
وان طيبه لو صفا لك ما يديم

كل هذا ما بقيت الا مرام
ارتمى كلي على الصدر الرحيم

ما لقيت الا التواجد والهيام
سالت دموعي على قبرك هميم

اتوجه كل وقتي للمقام
قبرك الطاهر عسى ظله نعيم

رحمة تعداد من صلى وصام
يارده من عند مولاي العظيم