الوفا والقرابه

شوف عيني حبيبي ما أهتنت في المنام
ساهر الليل كله بين صبحي يبين

شفت زوله وانا بين الملا والزحام
كل هالناس موتى وانا وياه وين

مد كف المصافح والغلا والسلام
مدها على ماتقطع يمين الضنين

أسفر الدرب من عقب العتم والظلام
وأنورت فيك دنيا بالمحبه تزين

وأستحى لايبن فرصته بالكلام
وأنثنى منك غصن البان والياسمين

أنت شوفك حبيبي بدراهم يسام
يابعد شوف عيني ياربيع السنين

يابعد كل ناس لي عليها ملام
من عدوي عساها تنعمى كل عين

الوفا والقرابه ود لأهل الغرام
والخيانه دروب للخبيث اللعين

لي طلب منك واحد يارفيع المقام
ساعه..عقبها خلوا مماتي يحين