ياليت تنفع لو اردد ليت ليت
ماكنت انا عايش بهمي والأنين
في غيبتك من جرحي القاسي شكيت
تعبت ادور قلب واشواق وحنين
في غيبتك ياما من جروحي بكيت
وشلون اداري دمعةٍ في وسط عين
في غيبتك من ليلي المظلم سريت
سريت انا من زود همي يالظنين
تركتني مع حب وأوهام ونسيت
نسيتني في وقت قاسي مايلين
من عشرتك ياصاحبي ياما بنيت
ورد الوفا حامل من اشواق الحنين
شف حالتي ماكني الا حال ميت
فيني ضما حبك وإحساس السنين
وش غير جرحك ياضما جرحي جنيت
ماغير هم وغم واحزان و ونين
نسّيتني فرحي وجرحي والمبيت
عودتني ماسمع كلام العاذلين
ضيعتني في غابة الغدر وغديت
سهران ليلي والأوادم نايمين
ياحسرتي من بعد هجرك إنعميت
ماشوف..حتى الحلم ماشوفه يبين
رضيت في همك وغمك واكتويت
ونسيت كلمات الحسد والحاقدين
سقيتني مر الهزيمه وانتهيت
عملتك هذي مثل عمل المجرمين
لكن كسبت من النهايه واهتنيت
كسبت فرقى الغدر واصبحت الفطين
رح وابتعد لا لا تجيني وش بغيت؟
روح بطريقك والله اللي لي عوين
إن قلت وافي..للأسف لا ما وفيت
دامك مشيت ابدرب غدر الخاينين
عطيتك اشواق المحبه ما خذيت
واعطيتني حزن وقسى وهم وانين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين