ما أجيد أحيان فن الإستماع - يحيا الخالد

أغرب الحب الصدوق من الخداع
الفروق اللي تبين لي شعوره

و أبشع الأشيا بحياتي الوداع
و أجمل الأشيا تغنيني طيوره

إن لمحت من الحلا شفت الضياع
و إن صرخت بمعركه مجنون ثوره

ما ذبحني بالغلا إلا الصراااااااااااع
و مالقيت من الهوى إلا الخطوره

الله أكبر ما تحملت الصداااااااااع
و الشعر ساكن خيالي مع بحوره

دايمٍ في قلبها أسمي شجااااع
و الحقيقه إني شجاع بكل دوره

ما ندمت إني أحب الإطلاااااااع
و ما خسرت بهالزمن غير المشوره

و ماكسبت بهالزمن غير القناع
البسه و أقول يا دنيا معذوره

ما يفرق بين الأثنين المشااااع
و مايقرب بين الأثنين ألف صوررره

لو عقدنا للشعور الإجتمااااااااع
كان شفت إن النتايج امحصووووره

.. الوله / و الشوق / و الدنيا متاع
و الغلا / و الحب / و الفرح / وغروره

و أنا شاعر كلمته لازم تطااااااااع
و الشعر في هالزمن بلسم سطوره

الوفا في داخلي ما هو يبااااااااع
و الردى ماله مكان و طاح سووووووره

ما خلقت أتبع دروب الإنصيااااااع
و ماخلقت أقطف من العاشق زهوره

ما أجيد أحيان فن الإستمااااااع
و ما أغرد للهوى لحن لطيوووووووره

© 2024 - موقع الشعر