انا لك يابعد روحي وروحي معلقة وياك
أحبك وانت الأول دام قلبي مايبي ثاني
تحسبني نويت انساك مير القلب ماينساك
بعد حبك دخل قلبي معا دمي وشرياني
يفور الدم في قلبي ليا مني نويت انساك
تمسكت بغلاك اليوم وانتا كيف تنساني
احبك ايه احبك ياشبيه الريم في ممشاك
اشوف الحب في عينك ياعين اهلي وخلاني
يازين الهرج في فمك ليا منه نطق بشفاك
صحيح الي يقول ان الهواء والحب سلطاني
عسى قربي يزيد الشوق دام الشووق في ذكراك
بعد قلبي على درب المحبه جايلك عاني
تراي ادمنت في رمشك وفي خدك وفي عيناك
جمالآ حطه الله للقصايد دوم عنواني
يهل الدمع من عيني ليامنه طرا طرياك
يهيم بخاطري ذكرك وقول اليوم وشجاني
ليا فارقتني روحي تروح اليوم مع فرقاك
ابي اسألك هالترضى اعيش اليوم وحداني
ابي قربك واعيش بعالمك واعيش في دنياك
وانا طالبك ارجع مامضى من حبي الفاني
أبي ودك وابي شوفك عسى كل الملا تفداك
غلاك الي بقلبي مايعود لاح ليحاني
مالوم القلب لمنه فرح في شوفتك ورضاك
انا والله برد الحب لو الحب يحداني
بعد هذي يميني وانت ابيك تمدلي يمناك
وخذ شعرآ صنعته من هواجيسي وجداني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين