وصاتي

لـ جمال العتيبي، ، في غير مُحدد

وصاتي - جمال العتيبي

حبيبي لا تعاتبني وانا ياما عليك ابديت
ترى لو تنشد اجزائي تجاوب حبك بذاتي

عتابك حيل متعبني بنظراتك تراني ميت
سهام(ن)تطعن بجوفي تراك تجدد آهاتي

رجيتك تنطقي وش فيك تعبت من العنى مليت
اشوف الدنيا في عيني تضيق ودمعتي تاتي

وش السبه وفكري مسرح اوهام وعلام اخطيت
رواية حزن انا فيها يتيم بكل حالاتي

انا والله متعبني بكاك ودمعتك وازريت
اقرب منك وامسحها اخاف تزيد غلطاتي

الا ياليل وش باقي لنا غير الدموع ابليت
جفون من البكا ذابت تصيح تقول دمعاتي

وجسم(ن) سمه الحرمان وعين(ن) ساهره ماتبيت
وصوف الحال يابنيه غصب ترجع مسراتي

حرمتيني من الفرحه بقربك يوم انا لك جيت
وانا كنت احسبك بالشوق هلا تنطق بها شفاتي

اسابق عقرب الساعه لوعدك متعبه عديت
سبقت الوقت لمشاهد عيونك قبل ساعاتي

قسيتي يابعد كلي برمحك للخفوق اهديت
وانا من قبل موت شعور ترى بكتب لك وصاتي

وصاتي يالغضي تذكر بيمنا القلب لك مديت
عطيتك عمري وكلي كلام يعاند سكاتي

وانا وان مت تدفني بقربك عند باب البيت
ابي لامن نظرت القبر تشوف بسبتك ماتي

بلقي وجهي القبله وبدعي لك اذا صليت
عسى درب السعاده لك رفيق بكل دعواتي

ولا ودي بعد اهرج ادور من وراك الصيت
ولا ابغى منك عذر ورد لما خطته كلماتي

مساء الخير ياذيك المواجع مرحبا(ن) حييت
هلا بالهم والضيقه تسلي صوت وناتي

الا يالله ترحمني دعيتك مخلص(ن) ناديت
تعبت من التعب بلوى بليت باول اوقاتي

تم الإدخال بواسطة : مكب القلوب
© 2024 - موقع الشعر