انا يا مي

لـ جمال العتيبي، ، بواسطة غادة العلوي، في غير مُحدد

انا يا مي - جمال العتيبي

انا يامي من غبتي وانا جنبك واعد خطاك
اسافر لك معك وانسى دروبي بسكة غيابك

وانا يامي من عقبك سفينه وافقدت مرساك
تعبت وما لقيتك بس بعني بالنظر بابك

حياتي اصبحت ذكرى بوقتي يوم انا وياك
اهوجس بك انا وانسى جميع الغيد والها بك

تصدق ماتذكرتك لأني ماقدرت انساك
نسيت الكل ياكلي وكل الكل بأسبابك

رميتيني واصبتيني و انا ديني منع لا اجزاك
عليك الله و امان الله فدا قوسك ونَشّابك

اعيش العمر بالذكرى مبي هجرك ولا فرقاك
دخيلك لاتخليني بها الذكرى وبكتابك

صحيح اني ادور عن هوى غيرك ابي أسلاك
ولكن مالقيت الي يساوي ذرة ترابك

طيور الحب ماتنسى حبيبي دمعتك وانداك
اجل وشلون انا بنسى غرام (ن) عندنا جابك

انا وياك محبوبك تكذب لا تقول اهناك
وانا بسألك عن (( زله )) تقول إني من احبابك

توقعتك من احبابي توقعتك تقول اهواك
انا اشوفك مثل غيمه يعيش الكل طلابك

ترى عمر المحبه يوم ما ينقص بدون ايحاك
يموت ابك الشجر واقف وتذبل زهرة اصحابك

وانا والله من عقبك وانا مرتاح من لاماك
يقولون المحبه درب واقول الدرب مجنابك

غلط ظنك و لو انك ضحك سنك بلا اضحاك
اناادري بك و الاعيبك بدا غييبك على نابك

تخاويني وتدنيني و تجزيني على طرياك
تصاحبني و تتعبني لو اطربني نبا اطرابك

حياة الروح سر النوح و المذبوح صار افداك
فداك القلب ضمن السلب لا حبابك من اسلابك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر