يابوي

قصة فتاه وصلتني. فتأثرت بها
وهنا حاولت اصيغ احساسها،

وهي وحيده ووالدها مريض،
كيف تفكر ومن هنا ادعوا لوالد

( الدانه بالشفاء) ولها بالسعاده.
يابوي انا من لي الاغاب هالراس

وانا وحيده وانت ضلي ومن لي
يابوي تكفى جال بالفكر هوجاس

وشو مصيري لا فقدناك قلي
بي عبرة(ن) بالجوف مخنوقة احساس

حسيتها يوم(ن) طرى ماضي(ن)لي
ياويل حالي لا ولوني الانجاس

يادمعتي لا...لا تطيحي وظلي
عفت المنام وعاف ذا الجفن الانعاس

ما غير اهوجس ويش اهو مقبل(ن) لي
اسرح بفكري واضرب اخماس باسداس

لا انا اهتنيت ولا لقيت اله حلي
اخاف من عقب السعاده لي اتعاس

عقب المعزه البس وشاح ذلي
مالي عضيد(ن) اذكره لي مع الناس

مالي سوى رب بدعى يستجب لي
يالله تشفي والدي يارب من باس

دعواي لك يالله في كل حلي
شيطان يلعب بي بوسواس خناس

اقوم انا واخزيه وادعي واصلي