هذي وصاتي

لـ حاتم منصور، ، في الرثاء، 45

هذي وصاتي - حاتم منصور

كل الجروح اللي بجسمي بسيطه
إلا حبيبي . . . شفت بفراقه الموت

حولي و احسه بالمحاري و احيطه
يا مرحبا بالموت و البس له بشوت

هذي وصاتي . . للي فوق البسيطه
على البقيع و قلتها بعالي الصوت

حطوني بجنّبه . . او اني بمحيطه
القوت روحه لا لقيته هو قوت

ضيوف رب ٍ انجى عبد بمحيطه
اللي بفضله ما بقى داخل الحوت

رحمته تشفي كل جرح و تخيطه
و يعطيك عقب البلوى صبر ٍ و ياقوت

آمنت باللي . . . كل هم ٍ يميطه
و ارجوه يرحمني اذا جاني الموت

© 2024 - موقع الشعر