دوك يا ناصر وصاتي - عبدالله الهندال

دوك ياناصر وصاتي ولا تسج
عنها ليا شفت العمايم على نعاج
وهرج اللحى شفته كما طوز او عج
و متنعمين و ما بهم حد محتاج
يعني البقر في هالزمن قامت تحج
وان التجاره دين والفاسد الحاج
ابعد عن اللي مخهم صابه الرج
وَلا تِدور له نصيحه و لا علاج
اللي ابوه عممه ولا واحد احتج
حقه عليهم يوم خلوه حجّاج
بعض البشر بافعالها بكره تنحج
قدام ربٍ ما يجي معه الاحراج
وخذ دينك بحكمه وعلمٍ ومنهج
وخذ العفو والصدق من كل منهاج
الله يبي يحاسبك وحدك تبي تدج؟
اسمع كلام فلان واطحس اذا داج
واذا تبي الكوثر على وجهك يثج
عندك عقل خل السماحه له التاج
لا يسيرك انسان و بفكرك يهج
الله خلق لك عقل هو اعظم سراج
هاذي وصاتي قلتهالك ولا تسج
عنها ليا شفت العمايم على نعاج

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر