غانم أنا بوصيك يابني من الحين
واحفظ وصاتي مثل حفظك صلاتك
احذر من انجاسٍ تحدك على الشين
والزم حدود الدين تضمن نجاتك
جنب مجالس من يعذرب مقفين
واجلس مع اللي يزيد لك بحسناتك
يابني ترى للناس حكم وموازين
خلك كريم الساس عالي ثباتك
اختار منهم ربعةٍ لك على الزين
تكفيك شر اللي يدمر حياتك
خلك حريصٍ ماتهزه شياطين
ترى الندم ماينفعك بغفلاتك
وان صار لك حقٍ ترى به قوانين
طالب بحقك دون ترفع عصاتك
لمهايطي مانال مدح السلاطين
لايخدعك بالصوت مادح عباتك
حافظ على عرضك وعرض المسلمين
شوفاتهم خلها بمنزل خواتك
هذي وصاتي وانت نسل الكريمين
واحفظ وصاتي مثل حفظك صلاتك
وسلامتكم
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.