يا نسمة الصبح

ذعذعي يانسمة الصبح واردم ياسحاب
واقبلي ياغيمتن برقك الخافي جذب

بخشم مزنن قام يردم وضلل له رباب
بارقه باول مزونه وتاليها لهب

فوق حايل جاد نوه وشلال الهضاب
قام يرزم مع مضيقه على القاع انهكب

يوم سالت في جبل طي دمثات الشعاب
لف بي لافوف وقتي على عرب النسب

صوب شيخن بالمواقيف يدحم مايهاب
يم شيخن له يردون بالعرف العرب

ابن فايز بالملازيم تنصاه الركاب
طير شلوى يرخص الروح ياسوقه وجب

يافهد ننخاك لاهنت ياسمح الجناب
مانبي فزعة فراغه نبي فزعة غضب

ياهل حايل مانبي غير فكاك الصعاب
يوم تال الهرج عود على فتل الشنب