أمنت بالله يا هل العرف وآمنت
بطيبة فلاح القرم تال الذخيره
وسلام ياللي كنت عز وتكونت
على مناهيج الوجيه السفيره
لمنهاج جدك والابو صنت ما خنت
حفظت منهج طيبين المسيره
أمانه الوافين فيها تأمنت
وأدركت فيها حب كل العشيره
يا أبو محمد دام عزك ودمت أنت
الله يجنبك الوجيه الشريره
ياما مع المظهود قمت وتبينت
ومسحت في يمناك دمعه نظيره
ولا هان من يسمع كلامي ولا هنت
يا مناصراً جاره بموته نصيره
محمد الحمود مات وله أحسنت
لو العلاقة بينكم بس جيره
من طيب ساسك دام راسك تمكنت
على مواساة النفوس الحسيره
ولا رحت منهم لين فعلاً تطمنت
على كبير العايله مع صغيره
أما طلبك اللي على محمد أعلنت
عنه الطلاق وبألف حرم وجيره
يا أمير بالموقف حكمت وتسلطنت
طيبك مثل شمس الضحى المستديره
نعم بابن مياح يوم به أذعنت
اللي بربع مليون سامح قصيره
ولاهي كثيره يوم برقت وأمعنت
مواقفك بالطيب مثله كثيره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.