هلا بأخو نورة

بدينا بمن لأمره جميع العباد خشوع
سميع مجيب سامع دعوة الداعي

ويقول الذي صعب المعاني تجي له طوع
يسوقه بعرفه لين تخضع وتنصاعي

وهلا مرحبا واحد وواحد وبالمجموع
سلامي عليكم عد ما هب ذعذاعي

وعدد حصو رمله من مكاني ليا ميقوع
وعدد من مشى تحت السماء بظاهر القاعي

اقوله بصوت واضح معلنه مسموع
يشاهد و راى الشاشه ويسمع بمذياعي

وهلا بالامير اللى له المعضلات خضوع
هلا بمن خلف في حضرته كل من ضاعي

هلا يافزع من لا تحرى وراه افزوع
هلا يامجيب بفزعتك دعوة الداعي

هلا بسيدي مقرن هلا بفرحة الملقوع
هلا بمن مسح في جيته دمعة الناعي

هلا بمن ظلمانا بوجوده تصير اشموع
هلا بخو نوره عون من جاه مرتاعي

وهلا مرحبا بالنادر القاطع الباتوع
هلا ببو زقام البطل طايل الباعي

هلا بمن بعرفه قاد سبع جموع
رضخة تحت قوله يوم طاعه وله طاعي

حرارا يقوده نادر ما خلطها تبوع
على حسب عرفي واختلافه بالاصباعي

هلا بمنبع النخوه هلا بفرحة المفجوع
هلا بمن وجوده للنكد صار مقلاعي

هلا بمصدر الجمعاء مهدي لهيب الروع
هلا بمن له العسرات تخضع وتنصاعي

هلا بفرحة ام اللى بزنزانته مجدوع
هلا براجع البسمه على اشفاه ملتاعي

وانا بمدح الوافين ربعي طوال البوع
هل الطيب والنخوه حميدين الاطباعي

على قد مالرامع يصيبه من المرموع
ولكن تعدو بالوفاء كل مرماعي

اهل الصخاء ربعي ليا كنهب المنزوع
لهم عادة بأنهاه في شتى الاوضاعي

اولاد الازمل وا عسى منهجه متبوع
مواقيفهم مايدخله شك و نزاعي

اقوله وانا من لابة شالت الجربوع
مواقف كثيره علم ربعي بها شاعي

اذا زغردن البيض وسطها الجادل المربوع
لهم هدت يشبع بها الذيب لاجاعي

اذا ضدنا غنا له الطاغي المسبوع
محينا وجوده خير شر من القاعي