يا حب نفس من الهوى منشطره
عمري غدى في غيبتك متهالك
ضامي ويرجي من سحابك قطره
تروي ضماه بشوفتك و أقبالك
القلب حرف الود وأنتي سطره
قاموس ..لكن وش أهو بقبالك ؟؟
يا نسمة الصبح الندي يا عطره
يا وردة كن الندى يندى لك
رحتي .. و كبدي من الوله منفطره
كني غريق والنجاة أوصالك
من قبل .. قلبي قد عطالك شطره
واليوم كلي قد خذاه .. وجالك
جالك غلا لا تحسبيها ... بطره
يا نور عيني في الضلام الحالك
يا بلة العود اليباس و فطره
سيري بدرب ما سلك به سالك
قلب.. يحب بفلسفه و بفطره
يطفي هجير الصد تحت أضلالك
ما دام قلبي جاك حاله خطره
أزبن .. فديتك .. ياكم وكم شالك
واليوم يا ند النسيم .. وعطره
هذا الغلا و ألا غلاك لحالك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.