الغلا

ليت الغلا ما جاوز الحد يا سعود
و ياليت ميقافي معه نصف ساعه

اصبر وقول الصبر تاليه محمود
يمكن على صبري بنول الشفاعه

عام(ن) ورى عام(ن) ولا فيه مردود
حتى الرسايل ما وراها طماعه

روّح ولا ناشد ولا عنه منشود
و اللي يجي ما عاد نوحي سماعه

إشفاقتن ما عاشها غير مقرود
حظه على ما شوف قيّد ذراعه

وش عاد اعاين والجفا فوقه اشهود
يا وجه ربي ما تفيد الجزاعه

هذا حساب اللي على المر محدود
كنّه جلاوي حاربوه الجماعه

واللي حصل يا خوك ما يحمل الزود
بالله قلّي ويش بعد القطاعه