تسعين وردة

يا سيّدي .. مالي معك غير الاوهام
تبيع قلب(ن) دايم الوقت يشريك

لو هو جزاي .. بذمتي منت منلام
مير الوفا يسبق عيونن تراعيك

خل الجزا .. بحسان .. لو بضعة ايام
عطني مذاق الود ماني برازيك

اعطيتك احساس(ن) ولا جا فالاحلام
رومنسي ويا ربني اقدر اغريك

تسعين ورده .. دستها بروس الاقدام
يا خوي وش فيك انت كني معاديك

شي(ن) لحقني .. ما تقيّده الاقلام
منك الجفا .. ذقته وانا اللي مواليك

شفّي وحكم الشف .. ما بعده احكام
شفّ الجريح .. اللي بصوته يناديك

على هواك .. اصيح و ابصم بالابهام
ما زار قلبي غير حضرة .. معاليك

عام(ن) مضى .. في ساقته تسعة اعوام
وانا الصويب اللي غدة به مراميك

مير البلا .. حكمك .. عليّه بالاعدام
جازيتني يا جعل ربي يجازيك

ما قام حظي فيك .. لا شك ما قام
سبايب(ن) ترجع لكثرة طواريك

وا ختامها ..ماعاد من بعده .اختام
والله ما فالناس ..حي(ن) يساويك