يا بنت وايل .. - بندر المنصوري

يا بنت .. وايل ثلاثين مكنون
حطت على الروح تسعين عله

مليون طاري يجي عقب مليون
كل(ن) على غير مذهب ومله

وش هو بقا ما بقالي ولا لون
واللي غدا وش بقالي محله

مرّه و مرّه مشاريه .. واظنون
وعلم(ن) ليا جاك ما جاك كله

من يبحث السر لا صار مدفون
ومن يعذر القلب لا غاب خله

ادري بها لو غدا الصدر مطعون
و ادري بها قبل دمع(ن) تهله

ما بين نظرات عاقل .. و مجنون
باب المعزه .. و باب المذله

يمديك .. وان ما نعت ..منت ملعون
حيل الله اقوا .. ودربك تدله

قبلي على الارض .. سبعين مديون
و قبلي من الناس .. من راح ظله

في رسمهم.. قسمي وحلم مسجون
ما غاب لو كان فكري يجله

ركّبته العمر واصبحت مرهون
بيني و بينه محال(ن) يتله

ماني بعدوّه .. ولا جاني مفتون
و لا مد لي غير سيف(ن) يسله

© 2024 - موقع الشعر