لعنبو جد الغلا .. !!!

صدقيني لو يجورالوقت ماتلقين غيري
وأتحداك إن لقيتي واحد ٍ مثلي يبرّك

مانشدتك عن قليلك فيك مابين كثيري
ماعرفتي للأسف من ينفعك أو من يضرك

راهيه .. بردي تبينه وان تعرضتي لهجيري
قامت الدنيا وثرتي..قلتي هذا مايسرك

رايقه ودك على مرالزمن ينضح غديري
ماتبين الضيق لو مره ولو غلطه يمرك ؟!

لعنبو جد الغلا كانه بْيبرك بي بعيري
صج أنا طيب ولكن طيبتي لا لا تغرك

أبك انا وان ماعسفتك صدقي ماني ظهيري
إقبليني مثل ماني قابل ٍ حلوك ومرك

أنتي ياإما تحبيني على شري وخيري
ولاّ يابنت الأوادم أبعدي بخيرك وشرك