لعنبو جد الغلا .. !!! - ابن المقري

صدقيني لو يجورالوقت ماتلقين غيري
وأتحداك إن لقيتي واحد ٍ مثلي يبرّك

مانشدتك عن قليلك فيك مابين كثيري
ماعرفتي للأسف من ينفعك أو من يضرك

راهيه .. بردي تبينه وان تعرضتي لهجيري
قامت الدنيا وثرتي..قلتي هذا مايسرك

رايقه ودك على مرالزمن ينضح غديري
ماتبين الضيق لو مره ولو غلطه يمرك ؟!

لعنبو جد الغلا كانه بْيبرك بي بعيري
صج أنا طيب ولكن طيبتي لا لا تغرك

أبك انا وان ماعسفتك صدقي ماني ظهيري
إقبليني مثل ماني قابل ٍ حلوك ومرك

أنتي ياإما تحبيني على شري وخيري
ولاّ يابنت الأوادم أبعدي بخيرك وشرك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر