عندي امل انك تجيني والاقيك
والمس كفوفك يالغلا واتحضنك

لنك تبيني ياريش العين وابيك
ماتقدر افراقي وانا ماابتعد عنك

اي والله احبك محبه وشاريك
لكن علام الصد ياخي يجي منك

لحظه زعل جابت صدود ومساريك
مدري غلا ولا دلع من تفننك

يمكن تبي تثقل وثقلك محليك
ياللي عروق القلب فيها تمكنك

في رحلتي يم الخبر قلت ناسيك
ومع لفت امواجه تجيني اماكنك

جالس على شط البحر ملتهي فيك
واليا ذكرت ايامنا صابني ضنك

تطري عليه غصب ديرتك هاذيك
يم الكويت وجنب كيفان موطنك

ودي بشوفك لو ثواني واحاكيك
واملي نظر عيني بشوفة مفاتنك

انت الغلا واصل الغلا فيك يغليك
ياغلا غلا واحلا الغلا في تكونك

حتى الشعر فاجمل حروفه يضاهيك
ماهي غريبه دام فيها مدونك


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر