ياصبح ليه الصبح ماعاد به فرح..!

يا صبح ..ليه .. الصبح ماعاد به فرح..!
مدري..وليه الورد ماعاد له ريح.؟

تتغير الاحوال ... وجرحٍ قفا جرح.
تعبت .. ياصبح الشقى .. والمجاريح

يا صبح عطني من .. خفاياك بالشرح.
وبداخلي بعطيك ..بالاذن تصريح..!

شوف الضلوع العوج مالت من الترح.!
هذي حقيقه كيف تحتاج توضيح.!

تعبت وضاع الحال بالجمع والطرح.!
وحلمٍ حلمته .. طار مع هبة الريح.!

يا صبح وين اللي بنى بداخلي صرح.!
لا لا يطُول الهجر وانهار وآطيح..!

يا صبح ..قلبي صابه الحزن بالقرح.!
في داخلي اوضاع تحتاج تصحيح.!

من بعد ظبي الكون ماطاب لي برح.!
واصيح وينه وارفع الصوت وآصيح

لا شك مايسمع عسى حاله المرح.!
وان كانها دامت ياربي له اتبيح.!!