ماعاد به شي يعنينا - منيره القحطاني

صحيح ضاع الحب .. منا وضيعنا
ادري .. ولكن وش بقى في يدينا ..!

غير العيون اللي تضجّ بها مدامعنا
والحسره اللي بقت بالحيل تكوينا ..!

ياليتنا عن ما نوينا .. تراجعنا
ليت الهجر ماصار سيف ٍ ل امانينا ..!

ندري إن الهم .. في البعد لا يعنا
والأكيد .. إنّا على الفرقى قوينا ..!

لعنبوه إن كان زاد ب مواجعنا
جرح الهوى .. لا صار دايم يعنْيّنا ..!

لا بغينا دواه .. عيّت طبايعنا
عوايد ٍ .. مثل الصخر .. ماتلينا ..!

فرضا ً علينا دوم نرضى ب واقعنا
نجفى الهوى .. وش عاد نجفى ليالينا ..!

بس الغلا ماضاع .. ب قلوبنا معنا
حي ٍ بها .. لا زال .. نبض ب خوافينا ..!

يا صاحبي بلياك .. صحرا ً مرابعنا
قفرا ً .. بلا ظل ٍ من الشمس يحمينا ..!

(( الليله اللي بها تذكر .. توادعنا
من عقبها .. ماعاد به شي .. يعنينا )) ..!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر