ماعاد به زنقه ولاعاد به دار - عبدالحكيم البلوي

ماعاد به زنقه ولاعاد به دار
مات البطل ماباقي الا صداها

قصه عشقنا شوفها ضمن الاخبار
لاشافها الاطفال تضحك اشفاها

تعودوا ترديدها اصغار واكبار
وصلت بنا القصه الى منتهاها

نهايه القصه على يد ثوار
والمعركه في سرت تطحن رحاها

طاح البطل بيدين طلابت الثار
في ساعتن يبغونها مابغاها

مايدري ان الوقت بالخلق دوار
انعيش فرحه والمصايب وراها

بعد الوفود اللي تغنى بالاشعار
بخيمتن في كل دوله بناها

وبعد المصانع وبعدمنتوج الابار
ورئيس دوله عالياًمستواها

وبنات سردن خلفه ايمين وايسار
وسمراء على خطوته تمشي اخطاها

سمراء لخزت عينها كنها النار
بلشان مادري كيف جته ولقاها

وقلب صحاري ليبيا كلها انهار
وبراسه انه كل قمه رقاها

تالي حياته جار للقط والفار
البيت ماسوره قصيره اعراها

وطاح بيدين اللي لها اشهور سبار
اللي على شوفته تخرط الحاها

لواعتذرمافادته كل الاعذار
كلن يبى بقتل الزعيم ايتباها

ياما انصحوه الناس مره وتكرار
لكنها منيته واحتراها

في حكم من بيديه تصريف الاقدار
منهو طغت به نفس عجل قضاها

© 2024 - موقع الشعر