الحين ترحل.؟

الحين ترحل؟؟ شف ترا بخاطري شي!!
ودي أقوله بس ما حان وقته
 
ولاّ بقلّك روح حي ٍ لقى حي..
بيجيك يوم تشوف شي ٍ كتبته
 
لا لا توادع ما طفى دمعي الكي
ترا ضميري صاح حزّة طعنته
 
ان كنت لك بشتاق ياخاطري عَي
الحين إنسى يوم دمعك مسحته
 
لاتحسبني في الهوى ملتوي لي
واللي خلقني شفت همّي..؟ شبعته
 
الحين ترحل؟؟ قم ترا حالتك زي
ابحشمك....وقتي حرامن هدرته..
 
لا تحسبنّك صاير.. بنظرتي شي
اللي مضى ولّى وعهدك دفنته