الحين ترحل.؟ - شداد بن محمد

الحين ترحل؟؟ شف ترا بخاطري شي!!
ودي أقوله بس ما حان وقته
 
ولاّ بقلّك روح حي ٍ لقى حي..
بيجيك يوم تشوف شي ٍ كتبته
 
لا لا توادع ما طفى دمعي الكي
ترا ضميري صاح حزّة طعنته
 
ان كنت لك بشتاق ياخاطري عَي
الحين إنسى يوم دمعك مسحته
 
لاتحسبني في الهوى ملتوي لي
واللي خلقني شفت همّي..؟ شبعته
 
الحين ترحل؟؟ قم ترا حالتك زي
ابحشمك....وقتي حرامن هدرته..
 
لا تحسبنّك صاير.. بنظرتي شي
اللي مضى ولّى وعهدك دفنته

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر