غنا حمام الورق

غنا حمام الورق من يوم غنّا
غنا وزود خاطري بالتفاكير

لاياحمام برفعت الصوت فنّا
وانا على صوته اهل التعابير

ذكرتني باللي بعيد .. وعنّا
قلبٍ على شوفه نسوق التباشير

ليتك يبو ميسا ... تشوف المكنّا
وتشوف كيف الصدر بَخ التزافير

انا وفكري والمشاعر وصلنا
وعندي خفايا .. تتعب القلب وتحير

اللي تهنا..مع حبيبه .. تهنا
واللي يعذب خافقي سالفه .. غير

يوم المفارق صار منّا ومنّا
وربٍ كتب للبعد .. والسالفه خير

صكتني الايام وسود اجهمتنا
وانا على الصكات عندي تقارير

واليوم حالي.. يانديبي تعنّا
والطيرنوحه زود الهم ها.. الطير

ايه والله اني مكتفي ياجملنا
يكفي تصاريف الليالي ..المعاسير

واللي يضيم الحال... لامن تدنّا
شيٍ خفى ياخوك .. تبذير.. تبذير

وان كانها بالقدح لا ما.. اتثنا
والموقف الغصاب .. ماهزني مير

ياما على الشدّات صلنا وجلنا
وياما تغنينا ... ابطول .. المشاوير

واللي يقفي..عنه لا ما سألنا
واللي نصانا ... نفرش القاع.. نوير

الوقت بسيوفه .. علينا .. يسنا
وراحت عشر .. تفجر القلب تفجير

مير الزمن خوان .. يومه طعنا
وخلا ردي الشان .. يارد من .. البير

والحين ولد اللاش حظه تغنا
ودارت دواير.... يازمان الدواوير

كنا بذاك الوقت.. واليوم كنا
متى يزين الحال .. نسل المناعير