جفت ينابيع الهنا - شداد بن محمد

هذا انا
وهذا مكانك..

ادري حياتك ماهي .. اللي / تمنيت
وادري الوصل .. من بيننا / ماضي وراح

ويلاآه.. غبتي .. وابغيابك .. تعنيت.!
لا .. لا يغرك .!. قولتي / حيل.. مرتاح

جفت .. ينابيع ( الهنا ) ..يوم قفيت
والنبض شريانه.. على // هجركم صاح

القاع.. وبحوره ..والبشر مالهم صيت
سقف (السما )..كنه على هامتي طاح

الحال حالي.!! والاماني //تمنيت!!
ابكي واشوف .. الطير من دمعتي( ناح )

شوفي .. حزن هالكون ماله تواقيت
وانا .. شبعت ( الهم ) و الجرح../ فواح

ياشمعة الاحساس ليتك.... تونيت
وقصة ...رحيلك ليتها ... كانت.. امزاح.!

مليت.. من هالحال (ياهيه ) مليت
لاجيت ابسلى .. مر طيفك علي.. لاح

ماعدت ابي هالكون .. بالدمع ازريت
والبعد للعاشق ... ترا حيل .. / ذبآح

حنيت .. لك يازين.. (والله )...حنيت
يشهد على ..هالحال .مركى/ ومسباح

بقولها.. وبالجوف ..( غصه) وتنهيت
استغفر الله كيف ... تعذيب ..الارواح..؟

بس اعذريني غبت وان ( غبت ) ماجيت
والعمر.. لامن ( راح ) وش عاد../ لا راح

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر