وين انت ياصبحٍ فقدنا صباحه

1 وين انت ياصبحٍ فقدنا صباحه $ حتى حسبنا ايامنا كلها ليل
 
2 ليلٍ تسابق للضماير ارماحه $ ارماح فريسٍ على سبّق الخيل
 
3 في يومٍ ثأر والدماء مستباحه $ يومٍ تبيّن به افعول الرياجيل
 
4 من غيبتك كانك تحب الصراحه $ عيني ترجّى شوف برق المخاييل
 
5 لو ماحصلي شربةٍ من قراحه $ يكفيني البارق ولو ماحصل سيل
 
6 من عقب مرباع ٍ سريعٍ مراحه $ اليأس بوجيه الليال المقابيل
 
7 من يوم ما هبّت علينا ارياحه $ ما كن علتنا ابكور الهماليل
 
8 فيها اغراب البين يفرد جناحه $ غديت ياراجي آمال المواصيل
 
9 عليك يللي ما بعرفتك راحه $ غير الشعر ما شفت منك المحاصيل
 
10 شعرٍ رسم لك لوحةٍ وسط ساحه $ في ساحة الشّعار والا التماثيل
 
11 يغبط حمامٍ ساجعٍ في مناحه $ لو عافت اعيونه جميع المناديل
 
الشاعر / لهيلم زايد المويس