الغلا والحب والشوق يخسا..!

يا غلا حبك رسى ذاك المسا.
والموده ثابته عبر السنين.

يا هلا بعطر المشاعر والنسا.
ياهلا بالورد وانفاس الحنين.

المحبه وصلها ابعينك رسى.
مجلسك ديباج قلبي لو تبين.

الزمن يحفظ حقوقك ما نسا.
وان قسا بانت وجيه العالمين.

إيه أحبك.! لو علي قلبك قسا.
مانسيت الحب والود الدفين.

يرقص الخفّاق قلبك يهمسا.
والمحبه والموده شمعتين.

هايم ٍ من كاس عينك احتسى.
ملهمة شاعر بقلبه ترقصين.

في ربيع الحب عشتك نسنسا.
هجرك الحرّاق بالضلع المتين.

من بعدتي حل باالقلب الأسى.
واستباح الحزن قلب ٍتهجرين.

لو تحاول ذل قلبي تفلسا.
مختصر كل الرسايل كلمتين.

الغلا والحب والشوق يخسا.
لا قرب جنب الكرامه تفهمين.

ارحلي ثم انحري ليت وعسى.
واعرفي حبك محيته لا تجين.