يا محمد الفهمي مساعيك صابت . - محمد البياضي

ترى المراجل مالهاسن ثابت
والبعض يحسبها حسب عمر الانسان

ياكم رجل راسه ولحيته شابت
ياليت يفرق بين معزاه والضان

وياكم اشقاء وامهم توم جابت
باالفعل يفترقوا وهم توم واخوان

وياكم شب وشاربه تو نابت
تشوف فيه فعول خطلان الايمان

منهم ابو ماجدولاعنه غابت
بيض الفعول الليّ لها الطيب عنوان

انا ظنوني فيه مايوم خابت
من يوم شفته قلت رجال له شان

يامحمد الفهمي مساعيك صابت
مابين دكتور النواظر والاسنان

يوم اتصالي جاك ما قلت هابت
فزعت وانت خارج حدود الاوطان

متحكم بنفسك ولا يوم تابت
عن طيب متورثه من روس جدان

خففت عني هم فاالنفس كابت
نقلت حملٍ مثقله فوق الامتان

كل العلوم الطيبه معك طابت
كبرت وانت قبل في نون الاعيان

صحيح ما كل المواقع منابت
والنخل ينتج تمر ماهو بريحان

© 2024 - موقع الشعر