يا نسيم الود ..!

العدو اللي يبا يقتص مني
والصديق اللي يبا يفرض وقاره

والهوى و الليل و انقاض التمني
مرت بصدري على جمرة سقارة

يا نسيم الود من يسألك عني
لا تحفوى كل راعي ود ناره

من هو اللي ما تغير فيه ظني
من حفظ للود قدره و اعتباره

آآآه و الذكرى على جرحي تغني
تحتفي بالقلب في عيد انكساره

كل ما قلت الهوى يستاهل اني
استباحت عبرتي باقي العبارة

والعتاب اللي على صيغة تجني
يستفز أسمى مفاهيم الطهارة

ويش اسوي و الحنين اللي سكني
استلم قلبي بمفهوم الجسارة

صرت امر بماضي الأيام كني
الحكيم اللي تعجل في قراره

واسمع ضلوعي من اقصاها توني
والدموع اللي على رهن الإشارة

يالأن الشوق قاسي يا لأني
الألوف اللي نزل في غير داره