وقتٍٍ مظالي

بسرج خيول القاف معنى و أوزان
واكتب على المسحوب والقاف مسبوق

جرّيت حرفي والمعاني بقيفان
يطرب لها عاشق تغنّى بمعشوق

تنزف أحاسيس ومشاعر و وجدان
والشوق ظامي للمحبّين يا شوق

مثل الغيوم اللي تهاطل بالامزان
حرفي على سطر الوْرق ساق طاروق

غنت له الأغصان في قلب بستنان
تنثر عبير الورد والورد ممشوق

لاجل العيون اللي بها الرمشْ ذبلان
(((أموت وأحيى بين الأهداب والموق)))

فايق حْلاها بالمْزايين يافلان
عذب المْعاني لاجلْها سقتْها سوق

بانفاسها نرجس و كادي وريحان
عطرٍٍ يْصحّي لاهْب الشوقْ ويفوق

كلّي لها عاشق ومغرم وْ ولهان
وليا ذ كّرت الريم أشتاق وآتوق

وقتٍٍ مظالي كنت غالي ولي شان
ياللأسف واليومْ ظالم ومحقوق

ظالمْ لأني ما تْنازلتْ لانسان!
ظالم لأني ما أْجامل لمخلوق!

برحل واعيش بعالْم العزّ خسران
أحسن مْن العيشه مْع الذّل مرفوق