عقبك اطلال

غمضت لاجل اجلس حبيبي قبالك
ومن الوله مطفوق كل حين في حال

يدي على يدك وخدك وشالك
ويا ويل ويلي يوم طيحتي الشال

الشّاعر اللي بالمحبٌّه صفالك
من قال احبك قالها قول وافعال

من وين ما لديت .. ألمح خيالك
ولا الأماكن صايره عقبك اطلال

في ليلي الحالك أعيشك لحالك
أضحك معك وابكيك واحوالي احوال

إما سعفتي عاشقٍ فيچ هالك
واما اقتليني يا بعد كل الازوال

حتى وانا جنبك وخايف وصالك
لا دقت الساعه وكلن قضى وشال

بيتٍ يجي عالبال خلّه ببالك
مدري منو راعيه ويترجم الحال

(شوقي لِك تعدى حدود احتمالك)
(يشبه صباح العيد بعيون الاطفال)