ليتك تجى وتشوف عقبك حياتى - راشد الفهيد

ليتك تجى وتشوف عقبك حياتى ... وتشوفنى وشلون عايش بلياك
 
 
ماغير انا والهم هذى سواتى ... عايش مع التفكير واسرح بطرياك
 
 
والحال منك واصله للمماتى ... واللى مصبرنى مع الناس ذكراك
 
 
طيفك مرافقني بكل الجهاتي ... الله حسيبك قلي شلون ابنساك
 
 
المشكله حتي وانا في صلاتي ... ياخذني التفكير واروح وياك
 
 
تدري وشنهي غايتي وامنياتي ... ساعه / اشوفك واخذ اخبار دنياك
 
 
 
بقول لك كلمه وهذي وصاتي ... ان طالت الغيبه ولاعاد شفناك
 
 
لاضاع عمرى يالغضى/ لاتحاتى ... انا وعمرى كلنا من فداياك
© 2024 - موقع الشعر