.. ليتك بنون العين وتشوف مشهد ..

يا زين أنا حبك والله يشهد
لاتجرح الخافق بكثرة تغليك

بحرك عميق وقاسي الجزر والمد
ارحم فتى صبحه وليله بطاريك

ان جيت يمك تنتكر لي وتجحد
وان ذقت صدّي تعتذر لي خطاويك

وتغيب عني لو بي الليل سرمد
وأنا في ليلك شمعةٍ دوم تضويك

عطاك ربي حسن ذاالكون وأزيد
ليته عطاك أشواق واحساس مغليك

تعال وارحم جفني اللي تسهّد
تعال فسّر لي معاني تجافيك

تعال والزله لها الأخذ والرد
احترت بالمهجه أو الروح أرشيك

ليتك بنون العين وتشوف مشهد
يسكنه طيف وذكريات وشبابيك

ليتك تجيني وجمر الأشواق تبرد
وتقول لي (..) وأنا قول لبيك