.. لو كنت تدري .. - سالم السقاف

لو كنت تدري بالذي في خفوقي
بعت الحبايب لجلي و جيت حافي

وان صار لك شوق ٍمثل نصف شوقي
نسيت كل ما بيننا من تجافي

حبك ملك قلبي جرى في عروقي
حب ٍمثل مزن المطر دوم صافي

من يوم شفتك صرت فني وذوقي
وماغير رمشك تنحني له قوافي

لاتحسب إحساسي كذوب وصدوقي
لو عزتي مالت ترى القلب وافي

آمر. لاتحرمني من أبسط حقوقي
الشوق ياعمري صحى وانت غافي

أكتم غرامي وأحمل الجمر فوقي
والعب ألاعيب الهوى باحترافي

وأعود لك ثاني مضمّد حروقي
يجيبني شوقي بخط اعترافي

بعدك ظلام ورجعتك لي شروقي
منّك جروحي وانت للجرح شافي

© 2024 - موقع الشعر