يا سعود لو تدري عن الهم يا صاح - مشعل العريعر

يا سعود هاك العلم لا جاك مرواح
علم(ن) عرفته لا تدوّر مشذّه

علم(ن) خذه مني ترى فيه مصلاح
وانتا عرفت إني من رجال فذّه

وانتا عرفت ان الهوى ذلّ وجراح
وان العمر لو طال موتك يجذه

وان الدهر بلوه ولا فيه مرتاح
وان الفكر ذيب(ن) ليا جاع غذه

وان الصبر سلوى وغايه ومرباح
وان الفرج يمطر على الصبر رذه

يا سعود لو تدري عن الهم يا صاح
هم(ن) على قلبي مقيم(ن) يقذه

تلعب همومي بي كما لعب مسباح
واتعب ومنه صار فكري يعذه

والقلب لا منه رقا كل ما طاح
يلقى بالايام المقابيل لذه

والمعذره لا صرت بالوصْل شحاح
الحزن للمحزون والشوق بذه

يا صاحبي ياللي لك القلب يرتاح
ياللي سمعت الشور يا صاح حذه

© 2023 - موقع الشعر