الشوق ..

الشوق ينخر في ظلوعي مثل طلقات الرصاص!!
واللي نجى من طلقته .. يمسي يعد انصاصها

واللي يعذّبه الهوى ما حق له يطلب قصاص!
حسبي على دنيا(ن) تضيّع حقها وقصاصها!

حتى ضميري لا شكيته لأهل علم(ن) واختصاص
أزرو يعومون البحور اللي ضميري غاصها

وسجّيت رجلي من سراب الوهم لبحور الخلاص
كنّي سوات البندق اللي عدّها قناصها

وجّه على نيشانها .. واحْكم مدار الاقتناص
لكنه المسكين ما حسّب طيَاش رصاصها!!

يا عزتي مالي عن صْروف الدهر غير المناص!
دنيا(ن)كوتني كل ما جنبت عن مفراصها!

لا صارت سلوم العرب تتبع بضاعات الرخاص!
بارت سلعهم ما لزمني ذلها وارخاصها!!

ما هزني في دنيتي صكات أو هز النواص
لكنها هزت ضميري .. ولْ يا رقّاصها

والله لو يمشي على رجليه لحدود النماص!!
اني لاقص رمالها واصير انا قصاصها!

يا محزمي .. يا بندقي .. يا صوت طلقات الرصاص
يا سلوتي بين العرب .. يا عهدتي واخلاصها