وقت ن ترانيم الحمايم الحونه - عبدالرحمن ناهي

يالله ياعالم بخلقه وكونه
ياخالق الدنيا العريضة على ساس

يامسدل الليل العظيم بسكونه
يستر على ناس ن وترتاح به ناس

ترجيك ناس ن من زمنها امغبونه
تقصر خطاويها ليا حل نوماس

ماهو ردى فيهم ولاهي مهونه
بس الظروف تحدهم حدة امواس

عسى الفرح يسدل عليهم ردونه يزهى خضاره عقب ماهي بيباس
البارحة والناس كل ن وشونه

وانا مع هوجاس ويغيب هوجاس
يامن يعيد الوقت الاول بلونه

وقته وناسه والبساطه والاحساس
وقت ن تمنيته والاقدار دونه

وانا ادري انه حل من دونه الياس
وقت ن ترانيم الحمايم الحونه

والربع من حولك ذعاذيع نسناس
ماهي مصالح دنية ن يرتجونه

ماغير وقفة عز يرفع بها الراس
يالله ياللي منك نرجو المعونه

يامن جميع الخلق عندك بمقياس
تعزني عز الكريم لزبونه

لاحل ضيفه والمطانيخ جلاس
لااتحمل امتوني حمايل مهونه

وآصير مابين المشاريه محتاس
الوجه الابيض يالله انك تصونه

من عثرة الدنيا ومن منة الناس

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر