ريم يا دنيا ودين - احمد الخالدي

جيت اترجملك شعوري يا بعد كل الأنام
لين ما انثالت حروفي نزفها وجد وحنين

القوافي تنحني لك من وفا وزود احترام
كل صبح وكل ليل وكل وقت وكل حين

يا بدايات المحبة وإيه يا مسك الختام
كل ما تشرق عيونك يبتدي الصبح وتزين

كل هالدنيا وعشانك بس اطيرلك حمام
أشرقي وبا انفاسك انتي يا غلايا أوكسجين

ويا نهايات الفراق ومرهم جروح وسلام
صادق احساسي وبوحي وكل قاسي لك يلين

قبل اعرفك كنت عايش منهك وكلي حُطام
لا قريب ولا محب ولا صديق ولا عوين

أنتي اللي إحتوتني و اوقفت لي لا حرام
أنتي الروح وجسدها نبض قلبي والوتين

ويشهد الله ما عطيتك حق قدرك والمقام
لنك اكبر من قصيدة خطها شاعر حزين

عانقي كفوف السحاب وامطري مثل الرهام
شاعرك ياريم يحرم ماهو لغيرك رهين

جيت اترجملك شعوري يا بعد كل الأنام
لين ما انثالت حروفي ريم يا دنيا و دين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر